ಮಿಥುನ...

ಮಿಥುನ...
ಇದು ನನ್ನ ಮೊದಲ ಶಿಲಾ ಶಿಲ್ಪ. ಪದವಿ ತರಗತಿಯಲ್ಲಿದ್ದಾಗ ಕಲ್ಲಿನಲ್ಲಿ ಕೆತ್ತಿದ್ದು.
ಕಲ್ಲಿನ ಕೆತ್ತನೆ ಎಷ್ಟು ಕಠಿಣ ಅನ್ನಿಸುತ್ತೊ ಅಷ್ಟೇ ಆನಂದವನ್ನು ನೀಡತ್ತೆ. ಹರೆಯ ಅಂದರೆ ಗಂಡು-ಹೆಣ್ಣುಗಳು ಕನಸ ಹೊತ್ತು ತಿರುಗುವ ಕಾಲ ಅಂತೆ , ನನಗೂ ಅಂತೆ.ಅಂತ ಕನಸುಗಳಲ್ಲಿ ಇದು ಒಂದು.
ಈ ಶಿಲ್ಪಕ್ಕೆ ಮೈಸೂರು ದಸರಾ ಪ್ರಶಸ್ತಿ ಬಂದಾಗ ಆನಂದವೋ ಆನಂದ .
ಯಾಕೆಂದರೆ ಅಂದು ಬಂದ ಆ ಪ್ರಶಸ್ತಿ ಇಂದು ನನ್ನನ್ನು ಈ ಕ್ಷೇತ್ರದಲ್ಲೇ ಇರುವಂತೆ ಮಾಡಿದೆ.

ಕಠಿಣ ನಿವಾಸ....

ಬಸವನಹುಳುವಿನ ಬಗ್ಗೆ ಸಾಕಷ್ಟು ಕುತೂಹಲ ಇಟ್ಟುಕೊಂಡು ಕೃತಿ ಮಾಡುತ್ತಿದ್ದೆ. ಮಲೆನಾಡಿನ ಪರಿಸರದಲ್ಲಿ ,ಅದರಲ್ಲೂ ಮುಂಗಾರಿನ ಪ್ರಾರಂಬದಲ್ಲಿ ಸಾಕಷ್ಟು ಸಂಖ್ಯೆಯಲ್ಲಿ ಕಾಣಸಿಗುತ್ತವೆ. ಮುಖ್ಯವಾಗಿ ನನ್ನನ್ನು ಸೆಳೆದದ್ದು ಅಷ್ಟು ಮೃದುವಾದ ಜೀವಿ ಇಂತ ಭದ್ರವಾದ ಗೂಡಾನ್ನು , ಇಷ್ಟು ಕಲಾತ್ಮಕವಾದ ರೂಪಾಕಾರದಿಂದ ಕಟ್ಟಿಕೊಳ್ಳತ್ತಲ್ಲಾ ಅಂತ. ಬಸವನ ಹುಳುವಿನಲ್ಲಿ ಅನೇಕ ಪ್ರಭೇದಗಳಿವೆ . ಮಲೆನಾಡಿನಲ್ಲಿ ಕಾಣಸಿಗುವ ಪ್ರಭೇದದ ಚಿಪ್ಪು ಇದು.
ಸುಮಾರು ಎರಡು ಅಡಿ ಸುತ್ತಳತೆ ಹೊಂದಿರುವ ಈ ಕೃತಿ ಮರದಲ್ಲಿ ಮಾಡಿದ್ದು, ಸಧ್ಯ ಮೈಸೂರಿನಲ್ಲಿದೆ.

ಒಳಸುಳಿ..

ಒಳಸುಳಿ..
ರೇಖೆಯೊಂದರಿಂದಲೇ ಹೊಸ ಹೊಸ ಸಾಧ್ಯತೆಗಳತ್ತ ಪ್ರಯತ್ನ. ರೇಖೆಗಳಿಗೆ ಅಂತಹ ಅಪಾರವಾದ ಶಕ್ತಿಯಿದೆ. ಎಂತಹ ಸವಾಲನ್ನು ಸ್ವೀಕರಿಸಿ, ಉತ್ತಮ ಕಲಾಕೃತಿ ನಿರ್ಮಾಣ ಮಾಡಲು ಇಷ್ಟವಾಗುತ್ತದೆ. ನಾನು ಇಗೀಗ ಮಾಡುತ್ತಿರುವ ಶಿಲ್ಪ ಕೃತಿಗಳು ನನಗೂ ಕೊಂಚ ಸಮಾಧಾನ ತಂದಿದೆ. ಸಧ್ಯಾವಾದರೆ ಸಕಲಕ್ಕೆ ಬನ್ನಿ .

ರೂಪಾಕಾರ

ಇದು ತುಂಬಾ ಇತ್ತೀಚಿನ ಕೃತಿ ಇದು. ವೈರ್ ಮೆಶ್ನಲ್ಲಿ ಮಾಡಿದ್ದು.ನಿಸರ್ಗದ ಕೆಲವು ರೂಪಾಕಾರಗಳನ್ನು ಇಂತ ಮಾದ್ಯಮದಲ್ಲಿ ಅಭಿವ್ಯಕ್ತಿಗೆ ಪ್ರಯತ್ನ ಮಾಡ್ತಾ ಇದ್ದೇನೆ.